Nagbigay ng Pabuya ang pamahalaan P100,000 Sa Ikadarakip Ng Dating Driver At Body Guard Ni Senador De Lima

P100,000 pabuya ang naghihintay sa kung sinuman ang makapagtuturo sa kinaroroonan ng dating driver-bodyguard at diumano’y lover ni Senador Leila de Lima na si Ronnie Dayan.

Ito ang kinumpirma ng Volunteers Against Crime and Corruption (VACC), ayon sa ulat ng Abante. Inihayag ni House Committee on Justice Chairman Rep. Reynaldo Umali sa ginanap na press briefing sa Kamara na umaasang makatututulong ang nasabing pabuya upang mabatid na kung saan nagtatago si Dayan.

“Mayroon ng reward na ini-offer ang VACC, P100,000,” ani Umali at posibleng madagdagan pa umano ito dahil pag-uusapan umano nila ito sa Kamara. Sa kasalukuyan ay malawakan na ang paghahanap kay Dayan; taliwas sa mga nakaraang araw na nakatuon lamang ang pansin ng mga awtoridad sa kanyang lalawigan sa Pangasinan.

Kamakailan ay ipinaaaresto ng House Committee on Justice si Ronnie Dayan na driver at bodyguard ni Senador Leila De Lima noong siya ay Justice Secretary upang harapin ang alegasyon sa umano’y bentahan ng ilegal na droga sa New Bilibid Prison (NBP). Inakusahan ni Justice Secretary Vitaliano Aguirre II si Dayan na nangongolekta ng mga perang galing sa mga convict sa NBP na sangkot diumano sa bentahan ng ilegal na droga para sa pondo ni De Lima sa nakaraang eleksyon subalit pinabulaanan ng Senadora ang alegasyon.

Source: Definitely Filipino

SHARE THIS